UEFA prezidenti Aleksander Cheferin jahon futbolining bosh takshilotiga murojaat qilib, 2026 yilda bo‘lib o‘tadigan jahon chempionatida 48 ta kvotadan Yevropa terma jamoalari uchun ajratilgan 16 ta kvota sonini oshirishni so‘rab murojaat qildi.

— Biz kvotalar sonining ehtimolli ko‘paytirilishiga doir pozisiyamizni so‘nggi daqiqalargacha himoya qildik, lekin bu holatda bizda biror bir imkoniyat ham yo‘q edi, shu sababli oxirigacha kurashishga ahd qildik. So‘nggi uch Jahon Kubogini yevropa terma jamoalari yutdi — Italiya, Ispaniya va Germaniya. Bu nimadan dalolat beradi?..

Umid qilamanki, Janni Infantino bu masalada bizni qo‘llab-quvvatlaydi. Bu holatda meni qullayotgan yagona inson hozircha "Bavariya"ning bosh direktori Karl-Hayns Rummenige bo‘lib turibdi. Biz u bilan bir necha bor uchrashdik va ta’kidlash o‘rinliki, u ham xuddi mendek bu g‘oyani qo‘llab-quvvatlamoqda, — degan Cheferin.