"Chelsi" bosh murabbiyi Antonio Konte APLning 24-turida "Arsenal"ga qarshi uchrashuv oldidan fikrlarini bildirdi.
2016 yilning 24 sentyabrida "Chelsi" "kanoinirlar"dan 0:3 hisobida mag‘lub bo‘lgan edi. Shundan so‘ng "arsitokratlar" qatorasiga 13 uchrashuvda g‘alaba qozonib, APLda yetakchilikni qo‘lga oldilar.
"Biz jadvalni boshqarib boryapmiz, bu zo‘r. Biz boshqa jamoalarning o‘yinini kuzatmay, o‘z o‘yinlarimizda diqqatimizni saqlayapmiz hamda g‘alaba qozonyapmiz.
Yana 15ta uchrashuv qoldi, unda 45 ochko o‘ynaladi. "Liverpul"day jamoa bilan durang o‘ynaganimiz yaxshi bo‘ldi. Ammo endi sovrin uchun kurashayotgan boshqa jamoa - "Arsenal" bilan o‘yin haqida o‘ylayapmiz.
Birinchi davrada 0:3 hisobida mag‘lub bo‘lganimizni yoddan chiqarmanglar, bu biz ikkinchi davrada butunlay boshqa jamoa bo‘lganimizni isbotlash uchun yaxshi imkoniyat.
Biz uyda o‘ynaymiz - bu juda muhim o‘yin, ammo bizni qiyin o‘yin kutib turibdi", - deydi Konte.
"Chelsi" - "Arsenal" uchrashuvi 4 fevral kuni bo‘lib o‘tadi.
