«Farg‘ona viloyati hokimi kubogi» doirasida «Qo‘qon-1912» yoshlari «O‘z Tong Xong Ko» klubi bilan bellashdi.

Ob-havo noqulay bo‘lganligi sababli, bu uchrashuv “Neftchi” futbol maktabining sun’iy qoplamali maydoniga ko‘chirildi.

O‘yin qo‘qonliklarning ustunligi ostida o‘tdi. Ilk daqiqalardan Muhsin Nizomiddinov shogirdlari oldinga tashlanishdi. Hujumlarning birida Islom Karimovning kuchli zarbasidan so‘ng, to‘p darvoza ustuniga tegib qaytdi. 45-daqiqada Doston Meliqo‘ziyevning boshi bilan yo‘llagan zarbasini darvozabon qaytarishga muvaffaq bo‘ldi. Ikkinchi bo‘limni qo‘qonliklar shiddatli hujumlar bilan boshladi. 48-daqiqada Orif Mamajonov jarima maydoniga to‘pni qulay tarzda uzatdi. Islom Karimovning bosh bilan bergan zarbasi noaniq bo‘ldi. 50-dakiqada Islom Karimov hisobni ochdi. Uchrashuv yakunlanishi arafasida Dilshod Baratov hisobni 2:0 ko‘rinishiga keltirdi.

Shu tariqa, qo‘qonlik yoshlar musobaqada beshta o‘yin o‘tkazib, to‘rttasida g‘alaba qozonishdi.

“Viloyat Hokimi Kubogi-2017”
“D” guruhi
5-tur
“Qo‘qon-1912-2” – “O‘z Tong Xong Ko” 2:0 (0:0)
Gollar: Islom Karimov, Dilshod Baratov.
“Qo‘qon-1912-2”: 30. Islom Abdullayev, 20. Shoxrux Xolmatov, 15. Sardor Isaqov, 5. Doniyor To‘lashev, 26. Dilshod Baratov, 7. Iqbol Malikjonov, 22.Orif Mamajonov, 27. Ismoil Oxunjonov, 88. Ibrohim Muxtorov, 8. Islom Karimov, 9. Doston Meliqo‘ziyev.
Zaxira: 1. Muhammadali Sobirov, 4. Sardor Baratov, 3. Mo‘min Sodiqjonov, 23. Ramzbek Isaqov, 17. Rustem Asanov, 14. Ibrohim Ahmadjonov, 56. Dadaxon Sulaymonov.
“O‘z Tong Xong Ko”: 1. A. Obabakirov, 18. J. Yuldashev, 77. A. Abdullayev, 3. F. G‘ofurov, 13. A. Solioxunov, 5. A. Iminov, 25. B. Ismoilov, 8. A. Arziyev, 21. I. Ahmedov, 19. A. Abduqodirov, 20. A. Yuldashev.
Zaxira: 22. I. Zuhriddinov, 22. M. Meliboyev, 7. J. Ibragimov, 4. J. Nuriddinov, 10. A. Qahhorov, 15. E. Rahmatullayev, 23. S. Yuldashev.