"Napoli" yarimhimoyachisi Marek Hamshik A seriyaning 23-turida "Bolonya" ustidan qozonilgan g‘alabadan so‘ng (7:1) klub safida Maradona o‘rnatgan rekordni yangilash niyatini bildirdi.

Slovakiyalik futbolchi uchrashuvda xet-trik qildi. Uning neapolliklar safidagi gollari soni 109 taga yetdi, Maradona "Napoli"da 115ta gol urgan.

"Bu men uchun yaxshi natija. Agar xet-trik haqida gapirmasak, "Napoli"qiyin vaziyatda qoyilmaqom o‘yin ko‘rsatdi. Biz qadamma qadam o‘zgacha natija sari odimlayapmiz. "Palermo" bilan o‘yinda ochko yo‘qotganimiz yomon bo‘ldi, ammo biz to‘g‘ri yo‘ldamiz.

Men Maradonaning rekordini yangilamoqchiman. Bu yili bo‘lmasa - keyingisida. Bunga yaqinlashganimdan baxtiyorman", - deydi Hamshik.