"Наполи" яримҳимоячиси Марек Ҳамшик А сериянинг 23-турида "Болонья" устидан қозонилган ғалабадан сўнг (7:1) клуб сафида Марадона ўрнатган рекордни янгилаш ниятини билдирди.
Словакиялик футболчи учрашувда хет-трик қилди. Унинг неаполликлар сафидаги голлари сони 109 тага етди, Марадона "Наполи"да 115та гол урган.
"Бу мен учун яхши натижа. Агар хет-трик ҳақида гапирмасак, "Наполи"қийин вазиятда қойилмақом ўйин кўрсатди. Биз қадамма қадам ўзгача натижа сари одимлаяпмиз. "Палермо" билан ўйинда очко йўқотганимиз ёмон бўлди, аммо биз тўғри йўлдамиз.
Мен Марадонанинг рекордини янгиламоқчиман. Бу йили бўлмаса - кейингисида. Бунга яқинлашганимдан бахтиёрман", - дейди Ҳамшик.
