2017 yilgi mavsumda Osiyo chempionlar ligasining guruh bosqichida O‘zbekistondan ikkita jamoa ishtirok etadigan bo‘ldi.
"Nasaf" saralash bosqichida imkoniyatni boy berganidan keyin, "Bunyodkor" penaltilar seriyasida raqibni mag‘lub etib, guruh bosqichi yo‘llanmasini qo‘lga kiritdi.
"Al-Jaish"ga qarshi o‘yinda Lushchan shogirdlari ikkinchi raqam ostida harakat qilishdi. O‘z navbatida qatarliklar o‘yin davomida katta ustunlikka ega bo‘lishdi. Mezbonlar o‘yin davomida yaratgan ayrim vaziyatlardan samarali foydalana olishmadi. O‘yinning 17-daqiqasida Shahzod Nurmatov tomonidan urilgan gol esa ofsayd tufayli bekor qilindi.
Shu tariqa, uchrashuvning asosiy va qo‘shimcha bo‘limlarida hisob ochilmadi. G‘olib nomi penaltilar seriyasida aniqlandi. "Qaldirg‘ochlar" posboni Murod Zuhurov qahramonlik ko‘rsatishga muvaffaq bo‘ldi: u Rashidov va Siddiqning zarbalarini qaytardi. Romarinyoning zarbasidan keyin esa to‘p ustunga tegib qaytdi. "Bunyodkor" penaltilar seriyasida g‘olib chiqishi uchun 3 marta zarba berishi yetarli bo‘ldi. Ularning barchasi golga aylandi.
"Bunyodkor" "Al-Ahli" (Saudiya Arabistoni), "Zob Ohan" (Eron) va "Al-Ayn" (BAA) klublari bilan birga "V" guruhidan joy oldi.
OCHL, saralash pley-off, 20:15
"AL-JAISH" (Qatar) - "BUNYODKOR" (O‘zbekiston) - 0:0. Penaltilar seriyasi — 1:3
"Al-Jaish": 16.Xalifa Abubakar, 4.Lukas Mendes, 6.YOsir Iso, 8.YUsuf Mufta, 10.Sardor Rashidov, 14.Mohd Metnaniy, 15.Dame Traore, 18.Muhammad Abdulra’b, 23.Majdi Abdulla Siddiq, 24.Seydu Keyta (S), 31.Rikardo Romarinyo
“Bunyodkor”: 25.Murodjon Zuhurov (S), 2.Rustam Ashurmatov, 4.Akram Komilov, 7.Dushan Michich, 8.Javlon Ibrohimov, 9.SHahzodbek Nurmatov, 10.Eldor Shomurodov, 17.Dostonbek Hamdamov, 19.Nurullo To‘xtasinov, 21.Dilshodbek Ahmadaliyev, 29.Otabek Shukurov
Penaltilar seriyasi:
Romarinyo (0:0, ustun) — Doston Hamdamov (0:1)
Sardor Rashidov (0:1, darvozabon) — Rustam Ashurmatov (0:2)
Metnaniy (1:2) — Eldor Shomurodov (1:3)
Majdi Siddiq (1:3, darvozabon).
