Yangi mavsumga tayyorgarlikning hal qiluvchi bosqichini Antaliyada olib borayotgan «Lokomotiv» bugun maydonda mashg‘ulot o‘tkazdi. «Temiryo‘lchilar» yugurish va chigalyozdi mashqlaridan so‘ng to‘p bilan ishlashga o‘tishdi.
Aytish mumkinki, mashg‘ulotning katta qismi to‘p bilan ishlashga qaratildi. Bugungi mashg‘ulotda uch nafar futbolchimiz — Ikrom Aliboyev, Diyor Turopov hamda Timur Usmonov jarohati bois alohida shug‘ullanishdi. Qolgan futbolchilar esa jamoa bilan birgalik mashg‘ulot o‘tkazishdi.
«Lokomotiv» Turkiyadagi uchinchi o‘rtoqlik uchrashuvini 10 fevral kuni «Ordabasi» (Qozog‘iston)ga qarshi o‘tkazadi. Ertaga jamoaning o‘yinoldi mashg‘uloti bo‘lib o‘tadi.
