Янги мавсумга тайёргарликнинг ҳал қилувчи босқичини Анталияда олиб бораётган «Локомотив» бугун майдонда машғулот ўтказди. «Темирйўлчилар» югуриш ва чигалёзди машқларидан сўнг тўп билан ишлашга ўтишди.
Айтиш мумкинки, машғулотнинг катта қисми тўп билан ишлашга қаратилди. Бугунги машғулотда уч нафар футболчимиз — Икром Алибоев, Диёр Туропов ҳамда Тимур Усмонов жароҳати боис алоҳида шуғулланишди. Қолган футболчилар эса жамоа билан биргалик машғулот ўтказишди.
«Локомотив» Туркиядаги учинчи ўртоқлик учрашувини 10 февраль куни «Ордабаси» (Қозоғистон)га қарши ўтказади. Эртага жамоанинг ўйинолди машғулоти бўлиб ўтади.
