JCH–2018 saralash bosqichida 9 ochko bilan uchinchi o‘rinda borayotgan O‘zbekiston milliy terma jamoasi Jahon chempionati saralash bosqichi ikkinchi davrasiga tayyorgarlik ko‘rish maqsadida Turkiyaning Antaliya shahrida navbatdagi o‘quv-mashg‘ulotlar yig‘inini boshladi.
Mashg‘ulotlar to‘rt kun davom etishi belgilangan.
Mazkur yig‘in doirasida O‘zbekiston terma jamoasi ikkita o‘rtoqlik uchrashuvi o‘tkazadi. 10 fevral kuni Samvel Babayan shogirdlari Rossiya Premyer-ligasi vakili “Amkar” klubi, 11 fevral kuni esa Armanistonning “Alashkert” jamoasi bilan kuch sinashadi. Mazkur yig‘in FIFA kunlariga to‘g‘ri kelmaganligi uchun legioner futbolchilar terma jamoaning Turkiyadagi o‘quv-mashg‘ulotlariga taklif etilmadi.
Ma’lumot uchun, bundan avval Armaniston futbol federasiyasi ikki terma jamoalar o‘rtasida o‘tkazilishi belgilangan uchrashuvni Turkiyadagi notinchliklar tufayli bekor qilishini ma’lum qilgandi.
