«Barselona» rahbariyati yangi bosh murabbiyni taklif qilish haqida o‘ylay boshladi.

AS xabariga ko‘ra, prezident Xosep Mariya Bartomeu yaqin orada sport direktori Robert Fernandes bilan uchrashib, bu masalani muhokama qilib oladi.

Shu paytgacha, Bartomeu Luis Enrike bilan shartnomani uzaytirish tarafdori bo‘lib kelgandi. Biroq jamoaning so‘nggi natijalari rahbarning fikrini o‘zgarishiga olib kelgan.

Avvalroq, «Barselona» futbolchilari Luis Enrikening taktika, rotasiya va almashtirish borasidagi qarorlaridan norozi ekani haqida xabarlar chiqqan edi. 

Luis Enrikening klub bilan tuzgan amaldagi shartnomasi shu yil yozida o‘z nihoyasiga yetadi.