«Барселона» раҳбарияти янги бош мураббийни таклиф қилиш ҳақида ўйлай бошлади.
AS хабарига кўра, президент Хосеп Мария Бартомеу яқин орада спорт директори Роберт Фернандес билан учрашиб, бу масалани муҳокама қилиб олади.
Шу пайтгача, Бартомеу Луис Энрике билан шартномани узайтириш тарафдори бўлиб келганди. Бироқ жамоанинг сўнгги натижалари раҳбарнинг фикрини ўзгаришига олиб келган.
Аввалроқ, «Барселона» футболчилари Луис Энрикенинг тактика, ротация ва алмаштириш борасидаги қарорларидан норози экани ҳақида хабарлар чиққан эди.
Луис Энрикенинг клуб билан тузган амалдаги шартномаси шу йил ёзида ўз ниҳоясига етади.
