“Manchester Yunayted” jamoasi sobiq xavbeki Pol Skoulz, “qizil iblislar”ga “Atletiko”ning fransiyalik hujumchisi Antuan Grizmanni sotib olishni maslahat berdi.

“Manchester Yunayted”da APL chempioni va YECHL g‘olibi bo‘lish vazifasi qo‘yiladi, shuning uchun bu klubda to‘p surish oson emas. Grizmann sotib olinsa, u klub muvaffaqiyatiga o‘z hissasini qo‘shishi mumkin. Ayni vaqtda “MYU”ning yosh futbolchilari xalqaro maydonida ko‘ngildagidek o‘yin ko‘rsata olmayapti, fransiyalik futbolchi esa qisqa vaqt ichida katta tajribaga ega bo‘ldi”, – deydi Skoulz.

Eslatib o‘tamiz, bir muddat avval “Manchester Yunayted” Fransiya terma jamoasi hujumchisiga qiziqish bildirgandi.