“Манчестер Юнайтед” жамоаси собиқ хавбеки Пол Скоулз, “қизил иблислар”га “Атлетико”нинг франциялик ҳужумчиси Антуан Гризманни сотиб олишни маслаҳат берди.

“Манчестер Юнайтед”да АПЛ чемпиони ва ЕЧЛ ғолиби бўлиш вазифаси қўйилади, шунинг учун бу клубда тўп суриш осон эмас. Гризманн сотиб олинса, у клуб муваффақиятига ўз ҳиссасини қўшиши мумкин. Айни вақтда “МЮ”нинг ёш футболчилари халқаро майдонида кўнгилдагидек ўйин кўрсата олмаяпти, франциялик футболчи эса қисқа вақт ичида катта тажрибага эга бўлди”, – дейди Скоулз.

Эслатиб ўтамиз, бир муддат аввал “Манчестер Юнайтед” Франция терма жамоаси ҳужумчисига қизиқиш билдирганди.