«Manchester Yunayted» bosh murabbiyi Joze Mourinyo, Angliya kubogining nimchorakfinalidan o‘rin olgan «Blekbern» klubiga qarshi o‘yindan oldin ba’zi narsalarga iqror bo‘ldi.
«Ha, «Chelsi»da ishlaganimda, Angliya kubogining bir o‘yinida atayin yutqazganman.
Gap shundaki, haftaning o‘rtasida «Nyukasl»ga qarshi Angliya kubogi o‘yini bor edi. Biroq, keyingi haftada bizni Chempionlar ligasidan o‘rin olgan «Barselona»ga qarshi o‘yin va Liga kubogi finalida «Liverpul»ga qarshi bahs kutmoqda edi. Taqvimning juda tig‘izligi bois, «Nyukasl»ga qarshi o‘yinda atayin yutqazish haqida qaror qabul qildim.
Natijada, biz «Barselona»ni ham mag‘lub etdik, Liga kubogida ham g‘alaba qozondik. Men to‘g‘ri qaror qabul qilgandim, biroq Angliya kubogidan chiqib ketganimiz uchun hafsalam pir bo‘ldi. Endi boshqa bunday qilmayman. Yutqazsam ham, halol kurashib yutqazaman» - dedi Mourinyo.
