Ispaniya chempionatining 23-turi doirasida "Real" o‘z maydonida "Espanyol"ni qabul qildi va ishonchli g‘alabani qo‘lga kiritdi.

Zidan bu bahsda asosiy tarkibning bir nechta futbolchilariga dam berishga qaror qildi. Madridliklarni 22 yanvar kuni "Valensiya"ga qarshi qoldirilgan uchrashuv kutib turibdi. Shu bois bo‘lsa kerak, jamoa bu bahsni kuch tejagan holda o‘tkazdi, desak xato bo‘lmasa kerak.

Uchrashuv sekin tepmda boshlangan bo‘lsa-da, "Real" bosimni oshirib bordi hamda 33-daqiqada hisobni ochdi. Isko tomonidan yetkazilgan uzatmani Alvaro Morata bosh bilan darvozaga joyladi.

Ikkinchi bo‘limda maydon egalari ha deganda raqib darvozasiga yo‘l topa olishmadi. Bu esa qaltis vaziyat bo‘lib, "Espanyol" birgina hujum orqali hisobni tenglashtirib qo‘yishi mumkin edi. O‘yinning 71-daqiqasida maydonga Beyl tushdi va o‘z qaytishini gol bilan nishonladi. Bahsning 83-daqiqasida "Real" qarshi hujum tashkil qildi. Iskoning uzatmasidan keyin Beyl yakkama-yakka vaziyatga chiqdi va olis burchakni aniq nishonga oldi.

Ronaldu bu o‘yinda ham maydonni golsiz tark etdi, ammo unda gol urish imkoniyatiga ega bo‘lishi mumkin. Qo‘shib berilgan daqiqalarda kataloniyalik himoyachi o‘z jarima maydonchasi ichida Ronaldu tortib yiqitdi. Malyenko penalti belgilash maqsadida qo‘l bilan ishora qilgandi, ammo laynsmen bayrog‘ini ko‘tarib, noto‘g‘ri ofsayd qayd etdi.

Ushbu g‘alaba tufayli "Real" o‘z ochkolarini 53taga yetkazdi va "Barselona" bilan oradagi farqni 4taga oshirdi.

Ispaniya La ligasi, 23-tur
Real Madrid – Espanyol 2:0 (1:0, 1:0)
Gollar: 1:0 – 33 Morata, 2:0 – 83 Beyl.
Real Madrid – Kasilya, Varan, Nacho (Marselo, 81), Karvaxal, Pepe, Kovachich (Kazemiro, 61), Kroos, Isko, Vaskes, Ronaldu, Morata (Beyl, 71).
Espanyol – Lopes, Duarte, Karikol, Reyes, Diop, Xavi Fuego, Lopes Silva, Xurado (Vaskes, 82), Reyes (Peres, 46), Pyatti, Moreno.
Ogohlantirishlar: Moreno (28), Kovachich (41), Isko (48), Xavi Fuego (53), Diop (68), Karikol (80), Kazemiro (82).