"Bavariya" bosh murabbiyi Karlo Anchelotti bundesliganing 21-turida "Gerta" bilan uchrashuvdan so‘ng berlinlik muxlislarga behayo ishorasi uchun 7-10 ming yevro miqdorida jarimaga tortilishi mumkin, deya xabar beradi Bild.
1:1 hisobida tugagan o‘yindan so‘ng italiyalik mutaxassis muxlislarga barmoqlaridan birini ko‘rsatgan. Keyinchalik mutaxassis buni muxlislar unga tupurganlari bilan izohlagan edi. Voqea ko‘plab munozaralarga sabab bo‘ldi. Bundesliganing boshqa murabbiylari ham bu voqeaga munosabatlarini bildiordilar. Anchelottining aksariyat hamkasblari uni qo‘llab quvvatlarshdi va bu holatda qolgan inson o‘z noroziligini bu tarzda bildirishga haqli ekanini aytishgan.
Bu borada Germaniya futbol ittifoqi yaqin vaqtlar ichida qaror chiqaradi.
