"Бавария" бош мураббийи Карло Анчелотти бундеслиганинг 21-турида "Герта" билан учрашувдан сўнг берлинлик мухлисларга беҳаё ишораси учун 7-10 минг евро миқдорида жаримага тортилиши мумкин, дея хабар беради Bild.
1:1 ҳисобида тугаган ўйиндан сўнг италиялик мутахассис мухлисларга бармоқларидан бирини кўрсатган. Кейинчалик мутахассис буни мухлислар унга тупурганлари билан изоҳлаган эди. Воқеа кўплаб мунозараларга сабаб бўлди. Бундеслиганинг бошқа мураббийлари ҳам бу воқеага муносабатларини билдиордилар. Анчелоттининг аксарият ҳамкасблари уни қўллаб қувватларшди ва бу ҳолатда қолган инсон ўз норозилигини бу тарзда билдиришга ҳақли эканини айтишган.
Бу борада Германия футбол иттифоқи яқин вақтлар ичида қарор чиқаради.
