«Lester» bosh murabbiyi Klaudio Ranyeri Yevropa chempionlar ligasining 1/8 final bosqichida bo‘lib o‘tgan «Sevilya»ga qarshi o‘yin (1:2) borasida o‘z fikrlarini bildirib o‘tdi.

«Tushunaman, raqib bizga nisbatan kuchli. «Sevilya» to‘pni juda yaxshi nazorat qiladi. Sabr qilishimizga to‘g‘ri keldi. Raqib o‘z saviyasini namoyish qildi, lekin biz chin yurakdan o‘ynadik. O‘zimizga bo‘lgan ishonchni namoyish qildi. Shu bois, men o‘yindan qoniqish hosil qildim.

Agar qarshi hujumlarda xotirjamroq harakat qilganimizda, ko‘proq gol urgan bo‘lardik. Biz uchun mehmonda gol urish muhim ahamiyatga ega edi. Endi bu juftlikda har qanday natija qayd etilishi mumkin.

Shmeyxel va boshqa futbolchilar yaxshi o‘yin o‘tkazishdi. Kasper penaltini qaytardi va butun himoyani boshqarib turdi.

O‘z o‘yinimiz va o‘z futbolimizni namoyish qilishda davom etishimiz kerak», – dedi Ranyeri.