«Лестер» бош мураббийи Клаудио Раньери Европа чемпионлар лигасининг 1/8 финал босқичида бўлиб ўтган «Севилья»га қарши ўйин (1:2) борасида ўз фикрларини билдириб ўтди.

«Тушунаман, рақиб бизга нисбатан кучли. «Севилья» тўпни жуда яхши назорат қилади. Сабр қилишимизга тўғри келди. Рақиб ўз савиясини намойиш қилди, лекин биз чин юракдан ўйнадик. Ўзимизга бўлган ишончни намойиш қилди. Шу боис, мен ўйиндан қониқиш ҳосил қилдим.

Агар қарши ҳужумларда хотиржамроқ ҳаракат қилганимизда, кўпроқ гол урган бўлардик. Биз учун меҳмонда гол уриш муҳим аҳамиятга эга эди. Энди бу жуфтликда ҳар қандай натижа қайд этилиши мумкин.

Шмейхель ва бошқа футболчилар яхши ўйин ўтказишди. Каспер пенальтини қайтарди ва бутун ҳимояни бошқариб турди.

Ўз ўйинимиз ва ўз футболимизни намойиш қилишда давом этишимиз керак», – деди Раньери.