«Real» himoyachisi Serxio Ramos Ispaniya chempionati 16-turning qoldirilgan o‘yini doirasida «Valensiya»ga qarshi o‘yin (1:2) borasida o‘z fikrlarini bildirib o‘tdi.

«Real»ning mag‘lubiyati jamoaning raqibni mensimaganligi bilan bog‘liq emas. O‘yin juda qizg‘in kechdi. Bahs boshidayoq 2ta xato tufayli ikkita gol o‘tkazib yuborganimiz o‘yin taqdirini hal qildi. G‘alabali seriyamizni davom ettirishimiz mumkin edi, ammo hujum paytida oldinga katta kuch bilan o‘tib, tavakkal qilishga to‘g‘ri keldi. «Valensiya» esa bundan foydalanib qoldi.

Avvalgidek, La ligada chempionlik masalasi bizning qo‘limizda. Jadvalning yuqori qismida qolishimiz kerak», – dedi Ramos.

Ispaniya chempionatining 23-turidan kyin "Real", bitta zaxira o‘yiniga ega bo‘lgan holda, 2-o‘rindagi «Barselona»ni 1 ochkoga ortda qoldirmoqda.