«Barselona» klubi hujumchi Lionel Messi bilan shartnomani uzaytirish jarayonini murakkab ekanini tan oldi.
As xabariga ko‘ra, klub rahbarlaridan biri: «Messi bilan shartnomani uzaytirish masalasi ko‘pchilik o‘ylaganidek, oson ish emas. U murakkab va uzoq davom etadigan jarayondir» - deb aytgan.
Avvalroq, futbolchining otasi Xorxe Messi shartnomani uzaytirish borasida muzokara o‘tkazish uchun Kataloniyaga kelgan, biroq hech narsaga erisholmay qaytib ketgan edi.
Messining «Barselona» bilan tuzgan shartnomasi 2018 yilda o‘z nihoyasiga yetadi.