"Lester" klubi iste’foga chiqargan italiyalik mutaxassis Klaudio Ranyeri xayrlashuv xatini qoldirdi.
"Kecha mening orzum o‘ldi. Angliya chempionligiga erishgan o‘tgan mavsumdagi eyforiyadan so‘ng sevimli jamoam "Lester"da doimo qolish orzu qilgandim. Afsuski, bunday bo‘lib chiqmadi. "Lester"da bo‘lgan vaqtimda meni doim qo‘lla-quvvatlab turgan rafiqam va oilamga minnatdorchilik bildiraman. Menga yordam bergan Paolo va Andreaga ham rahmat. Stiv Katner va Franko Granelloga ham chempionlikka erishish imkoniyatini berganlari uchun rahmat.
Klubga ham katta minnatdorchilik bildiraman. Bu har doim xotiramda qoladigan katta tajriba bo‘ldi. Mo‘’jizaviy tarixni yoritgan jurnalistlarga ham rahmat. Klubga tegili bo‘lgan barchaga: o‘yinchilarga, murabbiylarga, muvaffaqqiyatimizda yonimizda turgan hamma-hammaga minnatdorchilik bildiraman.
Muxlislarga o‘zgacha minnatdorchilik bildiraman. Ular birinchi kundanoq iliq munosabatda bo‘lganlar, men ham sizlarni sevaman. Biz birga rishgan muvaffaqqiyatni hech kim tortib ololmaydi. Umid qilamanki, sizlar ham men bilan bu haqida yuzda tabassum bilan eslab yurasiz. Bu ajoyib va baxtli damlar edi, buni hes qachon unutmayman. Men uchun sizlar bilan birga chempion bo‘lish maroqli va faxrli bo‘ldi. Sizning Klaudio Ranyeringiz", - deb yozdi mutaxassis.
