Italiya matbuoti tarqatgan xabarga ko‘ra, «Barselona» klubi «Yuventus» bosh murabbiyi Massimiliano Allegrining xizmatiga qiziqish bildirmoqda.
Avvalroq, 49 yoshli mutaxassis mavsum so‘ngida turinliklar boshqaruvini tark etishi mumkinligi haqida xabarlar tarqalgandi. Murabbiyning Leonardo Bonuchchi bilan mojarosi yonib turgan cho‘g‘ga moy sepish bo‘ldi.
Mish-mishlarga qaraganda, «Barselona» sport direktori Ariyedo Brayda "Milan"dagi faoliyati orqali Allegrini yaxshi taniydi. Aynan u Massimilianoni "ko‘k-anorranglilar"ni boshqarish uchun munosib nomzod deb hisoblaydi.
Eslatib o‘tamiz, avvalroq Allegrini «Arsenal»ga "unashtirishgandi".