Britaniya hukumati UYEFA prezidenti Aleksandr Cheferinning «Breksit» – Britaniyaning Yevropa ittifoqidan chiqishi bilan bog‘liq vaziyat haqida aytgan gaplariga izoh berdi.
Xususan mulozim: «Britaniya hukumati, kriminal elementlarga mamlakatga kirishni taqiqlashida muammo yo‘q. Ammo, tasavvur qiling, ular Messi va Neymarga ham mamlakat hududiga kirishni taqiqlab qo‘yishi mumkin. Chunki har ikkalasining ustidan jinoiy ish ochilgan» - degan edi.
«Messi va Neymar «Breksit» tufayli Buyuk Britaniyaga kiritilmasligi mumkin degan gapga aqlbovar qilmaydi. Albatta, hukumat sudlangan shaxslarni mamlakat hududiga kiritmaslikka haqli.
Ammo Messi va Neymar oldin Britaniyaga tashrif buyurgan va ular bilan muammo bo‘lmagan. Shuning uchun ham ularning tashrifiga taqiq qo‘yiladi deyishga asos yo‘q» - deyiladi hukumat bayonotida.
