Британия ҳукумати УЕФА президенти Александр Чефериннинг «Брексит» – Британиянинг Европа иттифоқидан чиқиши билан боғлиқ вазият ҳақида айтган гапларига изоҳ берди.
Хусусан мулозим: «Британия ҳукумати, криминал элементларга мамлакатга киришни тақиқлашида муаммо йўқ. Аммо, тасаввур қилинг, улар Месси ва Неймарга ҳам мамлакат ҳудудига киришни тақиқлаб қўйиши мумкин. Чунки ҳар иккаласининг устидан жиноий иш очилган» - деган эди.
«Месси ва Неймар «Брексит» туфайли Буюк Британияга киритилмаслиги мумкин деган гапга ақлбовар қилмайди. Албатта, ҳукумат судланган шахсларни мамлакат ҳудудига киритмасликка ҳақли.
Аммо Месси ва Неймар олдин Британияга ташриф буюрган ва улар билан муаммо бўлмаган. Шунинг учун ҳам уларнинг ташрифига тақиқ қўйилади дейишга асос йўқ» - дейилади ҳукумат баёнотида.
