"Real" bosh murabbiyi Zinedin Zidan Ispaniya chempionatining 25-turida "Las-Palmas" bilan uchrashuvni (3:3) sharhladi.
Madridliklar hisob 1:1 bo‘lib turgan vaqtda Beylning chetlatilishidan so‘ng o‘n kishi bo‘lib qoldilar va ikkita to‘p o‘tkazib yubordilar. Ammo keyin Krishtianu ROnalduning dublidan so‘ng durangga rishdilar.
"Biz raqibga o‘yinga qaytish imkoniyatini berdik. Birinchi bo‘limda "Las-Palmas" to‘pi yaxshiroq nazorat qildi. Beylning chetlatilishidan so‘ng biz xarakter ko‘rsatdik va ikkita gol ura oldik. Agar nima voqealar kechganini hisobga olsak, hisobdan rozi bo‘lishimiz kerak. Ammo bu chempionlik uchun kamlik qiladi.
Hakamlar haqida gapirmayman, o‘yinni muhokama qilishga tayyorman. Biz yaxshiroq o‘ynamoqchi edik, ammo buning iloji bo‘lmadi.Oldimizda og‘ir grafik bor, qiyin bo‘ladi. Biz chempionat va chempionlar ligasidagi o‘yinlarimiz haqida o‘ylashimiz kerak. Beylga kelsak, u chetlatilgani uchun jamoadan uzr so‘radi", - deydi Zidan.
