«Real» bosh murabbiyi Zayniddin Zidan jamoasining so‘nggi 3 o‘yinda bor yo‘g‘i 4 ochko olganidan xavotirda emas.

«Men uchun «inqiroz» degan so‘z mavjud emas. Har uch kunda yaxshi o‘yin namoyish etish imkoniyatiga ega bo‘lasan. Biz hech qachon bahona izlamaymiz va o‘z natijalarimizga o‘zimiz ta’sir qila olishimizni bilamiz.

Mashg‘ulot va o‘yinlarda ishlash va kurashish orqali nimalarga erishish mumkinligini tushunamiz.

So‘nggi o‘yinlarda kutilgan natijalarga erisholmadik, ammo muhimi – 100% kuch sarflab o‘ynash» - dedi mutaxassis Marca xabarida.

Primeraning 25 turidan so‘ng, «Real» 56 ochko bilan jadvalda 2-o‘rinda bormoqda.