«Реал» бош мураббийи Зайниддин Зидан жамоасининг сўнгги 3 ўйинда бор йўғи 4 очко олганидан хавотирда эмас.

«Мен учун «инқироз» деган сўз мавжуд эмас. Ҳар уч кунда яхши ўйин намойиш этиш имкониятига эга бўласан. Биз ҳеч қачон баҳона изламаймиз ва ўз натижаларимизга ўзимиз таъсир қила олишимизни биламиз.

Машғулот ва ўйинларда ишлаш ва курашиш орқали нималарга эришиш мумкинлигини тушунамиз.

Сўнгги ўйинларда кутилган натижаларга эришолмадик, аммо муҳими – 100% куч сарфлаб ўйнаш» - деди мутахассис Marca хабарида.

Примеранинг 25 туридан сўнг, «Реал» 56 очко билан жадвалда 2-ўринда бормоқда.