Toshkentdagi "O‘zbekiston" sport majmuasida WSB doirasida Uzbek Tigers va Rossiyaning Patriot Boxing Team jamoalari o‘rtasida janglar nig‘oyasiga yetdi.
"O‘zbek yo‘lbarslari" rossiyaliklarga hech qanday imkoniyat qoldirmadilar va beshta jangning barchasida g‘alaba qozondilar.
Uchrashuvda birinchi jang nihoyasiga yetdi. 49 kg gacha bo‘lgan vaznda vakilimiz Abdulhay Shorahmatov Dmitriy Sharafutdinovni mag‘lub etdi!
Ikkinchi jang ham nihoyasiga yetdi. Elnur Abduraimov Radmir Abdurahmonovni yengib jamoamizga ikkinchi g‘alabani tortiq qildi!
Uchinchi jangda 75 kg gacha vazn toifasida Isroil Madrimov Rajab Rajabovni mag‘lub etdi!
To‘rtinchi jangda 91 kg dan ortiq vazn toifasida Zuhriddin Mahkamov Islom Tekeevni mag‘lub etdi.
Beshinchi, so‘nggi jangda 49 kg gacha bo‘lgan vazni toifasida Hasanboy Do‘stmatov Bator Sagaluyevni yengib, "yo‘lbarslar"ning g‘alabasini mustahkamladi.
Umumiy hisob Uzbek Tigers - Patriot Boxing Team 5:0.
Endi Uzbek Tigers 18 mart kuni Toshkentda Qozog‘istonning Astana Arlans jamoasini qabul qiladi.
