Ispaniya chempionatining 26-turi doirasida "Real" safarda "Eybar" mehmoni bo‘ldi va yirik hisobda g‘alaba qozondi.

Ushbu o‘yinda Zidan turli sababga ko‘ra yetakchi futbolchilar — Ronaldu, Beyl va Morataning xizmatlaridan foydalana olmadi. Shunga qaramay, madridliklar "Eybar"ga qarshi o‘yinda katta qiyinchilikka duch kelmadi. Mezbonlar to‘pn nazorat qilish bo‘yicha biroz ustunlikkka ega bo‘lgan bo‘lsalar-da, madridliklar yaratilgan imkoniyatlardan juda samarali foydalanishdi.

O‘yinning 30-daqiqasiga kelib mehmonlar raqib raqib darvozasini 3 marta ishg‘ol qilishga ulgurishgandi. Benzema (2ta) va Xamesning gollari evaziga "Real" amaldagi raqibni taslim qilib bo‘ldi.

Ikkinchi bo‘limda esa tomonlar bittadan gol urishga muvaffaq bo‘ldi. Asensio va Penya o‘z hisoblariga gol yozishdi.

Shu tariqa, "Real" yirik hisobda g‘alaba qozondi va ruhiy holatini tiklab olishga muvaffaq bo‘ldi.

Ispaniya chempionati, 26-tur. 20:15
"EYBAR" - "REAL MADRID" - 1:4
Gollar: 0:1 – 14 Benzema, 0:2 – 25 Benzema, 0:3 – 29 Xames, 0:4 – 60 Asensio, 1:4 – 72 Penya.
Eybar – Yoel, Ramis, Luna (Arbilya, 55), Kapa, dos Santos, Eskalante, Dani Garsiya, Gonsales (Rivera, 63), Leon (Inui, 87), Penya, Enrik.
Real Madrid – Navas, Pepe, Nacho, Danilo, Ramos, Modrich (Kovachich, 71), Kazemiro, Asensio, Xames (Isko, 75), Vaskes, Benzema (Dias, 65).
Ogohlantirishlar: Eskalante (32), Nacho (62), Kazemiro (65).