Испания чемпионатининг 26-тури доирасида "Реал" сафарда "Эйбар" меҳмони бўлди ва йирик ҳисобда ғалаба қозонди.

Ушбу ўйинда Зидан турли сабабга кўра етакчи футболчилар — Роналду, Бэйл ва Моратанинг хизматларидан фойдалана олмади. Шунга қарамай, мадридликлар "Эйбар"га қарши ўйинда катта қийинчиликка дуч келмади. Мезбонлар тўпн назорат қилиш бўйича бироз устунликкка эга бўлган бўлсалар-да, мадридликлар яратилган имкониятлардан жуда самарали фойдаланишди.

Ўйиннинг 30-дақиқасига келиб меҳмонлар рақиб рақиб дарвозасини 3 марта ишғол қилишга улгуришганди. Бензема (2та) ва Хамеснинг голлари эвазига "Реал" амалдаги рақибни таслим қилиб бўлди.

Иккинчи бўлимда эса томонлар биттадан гол уришга муваффақ бўлди. Асенсио ва Пенья ўз ҳисобларига гол ёзишди.

Шу тариқа, "Реал" йирик ҳисобда ғалаба қозонди ва руҳий ҳолатини тиклаб олишга муваффақ бўлди.

Испания чемпионати, 26-тур. 20:15
"ЭЙБАР" - "РЕАЛ МАДРИД" - 1:4
Голлар: 0:1 – 14 Бензема, 0:2 – 25 Бензема, 0:3 – 29 Хамес, 0:4 – 60 Асенсио, 1:4 – 72 Пенья.
Эйбар – Йоэль, Рамис, Луна (Арбилья, 55), Капа, дос Сантос, Эскаланте, Дани Гарсия, Гонсалес (Ривера, 63), Леон (Инуи, 87), Пенья, Энрик.
Реал Мадрид – Навас, Пепе, Начо, Данило, Рамос, Модрич (Ковачич, 71), Каземиро, Асенсио, Хамес (Иско, 75), Васкес, Бензема (Диас, 65).
Огоҳлантиришлар: Эскаланте (32), Начо (62), Каземиро (65).