"Real" bosh murabbiyi Zinedin Zidan Ispaniya chempionatining 26-turida "Eybar" ustidan qozonilgan g‘alabadan so‘ng (4:1) fikrlari bilan o‘rtoqlashdi.

"O‘yinchilarim oxirgi vaqtlardagi tanqidlarga munosib javob berishdi. Biz o‘yinga juda yaxshi kirishib ketdik va juda tez uchta gol urdik. "Eybar"ga qarshi safarda o‘ynash har doim qiyin bo‘lgan, ammo biz o‘yinga jiddiy tayyorgarlik ko‘rgandik, chunki biz raqiblarni doim hurmat qilamiz.

Benzemaning o‘yinidan qoniqdim, u ajoyib gollar urdi va sheriklari bilan yaxshi harakat qildi. Jamoaning reaksiyasidan mamnunman. Mavsum davomida parvozlar va sho‘ng‘ishlar bo‘lib turadi, har doim yaxshi o‘yn ko‘rsatishning iloji yo‘q. Ammo bugun buning uddasidan chiqdik", - deydi Zidan.