"Реал" бош мураббийи Зинедин Зидан Испания чемпионатининг 26-турида "Эйбар" устидан қозонилган ғалабадан сўнг (4:1) фикрлари билан ўртоқлашди.
"Ўйинчиларим охирги вақтлардаги танқидларга муносиб жавоб беришди. Биз ўйинга жуда яхши киришиб кетдик ва жуда тез учта гол урдик. "Эйбар"га қарши сафарда ўйнаш ҳар доим қийин бўлган, аммо биз ўйинга жиддий тайёргарлик кўргандик, чунки биз рақибларни доим ҳурмат қиламиз.
Бенземанинг ўйинидан қониқдим, у ажойиб голлар урди ва шериклари билан яхши ҳаракат қилди. Жамоанинг реакциясидан мамнунман. Мавсум давомида парвозлар ва шўнғишлар бўлиб туради, ҳар доим яхши ўйн кўрсатишнинг иложи йўқ. Аммо бугун бунинг уддасидан чиқдик", - дейди Зидан.
