«Real» himoyachisi Serxio Ramos Ispaniya matbuotini noto‘g‘ri ma’lumot tarqatganlikda aybladi.

«Ronaldu mashq qilmasligi ham mumkin demaganman, bu yolg‘on. «Real»da hamma mashq qilishi, yugurishi shart. Ha to‘g‘ri, «Las-Palmas»ga qarshi o‘yindan so‘ng murabbiylar va futbolchilar jiddiy gaplashib oldi. Ammo bu gaplar oramizda qoldi.

«Real»da hamma teng, muvaffaqiyat kaliti esa – raqobatdir. Kamroq o‘ynayotgan futbolchilar «Eybar»ga qarshi o‘yinda buni isbotlab berishdi. Ular kurashga chanqoq ekanini namoyish qilishdi, ko‘p yugurib, pressing amalga oshirishdi.

Tushunaman, matbuot uchun eng muhimi – tezkor axborot. Ammo birinchi o‘rinda haqiqat turishi kerak» - dedi Ramos AS xabarida.