«Реал» ҳимоячиси Серхио Рамос Испания матбуотини нотўғри маълумот тарқатганликда айблади.

«Роналду машқ қилмаслиги ҳам мумкин демаганман, бу ёлғон. «Реал»да ҳамма машқ қилиши, югуриши шарт. Ҳа тўғри, «Лас-Пальмас»га қарши ўйиндан сўнг мураббийлар ва футболчилар жиддий гаплашиб олди. Аммо бу гаплар орамизда қолди.

«Реал»да ҳамма тенг, муваффақият калити эса – рақобатдир. Камроқ ўйнаётган футболчилар «Эйбар»га қарши ўйинда буни исботлаб беришди. Улар курашга чанқоқ эканини намойиш қилишди, кўп югуриб, прессинг амалга оширишди.

Тушунаман, матбуот учун энг муҳими – тезкор ахборот. Аммо биринчи ўринда ҳақиқат туриши керак» - деди Рамос AS хабарида.