Mavsum- 2016/2017 — "Real Madrid" klubining Ispaniya chempionatidagi 86-mavsumidir va uning tashkil topganiga bugun 115 yil bo‘ldi.
"Real Madrid" FIFA tomonidan XX asrning eng yaxshi klubi deb topilgan. "Deloitte" tashkiloti ma’lumotiga ko‘ra, 904 million yevro yillik aylanma mablag‘iga ega klub dunyodagi eng qimmat klub hisoblanadi - 9,5 milliard yevro. "Real" Ispaniya oliy ligasini hech qachon tark etmagan uch klubning biri hisoblanadi. Bu borada madridliklarga "Barselona" va "Atletik" Bilbao sheriklik qiladilar
"Real" Ispan futbolida eng ko‘p sovringa ega klub, u umumiy hisobda 60ta milliy sovringa ga bo‘lgan: 32 marta La liga chempionligi, 19ta Ispaniya kubogi, 9 marta Ispaniya Superkubogi sohibi.
Chempionlar ligasida g‘alabalar (11 marta) va gollar soni rekordchisi.
1896 yilda "Futbol Skay" klubi tashkil topgan, bu madrid klubining boshlanishi hisoblanadi. Ammo rasmiy sana 1902 yilning 6 marti deb topilgan, shu kuni aka-uka Padros va Xulian Palasisoslar Madrid Football Club nomli futbol klubini ochadilar. 1920 yilning 29 iyunida Ispaniya qiroli Alfons XIII klubga "Qirollik klubi" maqomini beradi, bu ispanchada Real nomini bildiradi. Klubning hozirgi Real Madrid nomi ana shundan.
"Real" klubining to‘liq tarixi bilan saytimizda, mana bu materialda tanishishingiz mumkin.
