«Napoli» bosh murabbiyi Maurisio Sarri Yevropa chempionlar ligasi doirasida «Real»ga qarshi o‘yin arafasida o‘z fikrlari bilan o‘rtoqlashdi.

«Barcha bosim «Real»ga tushmoqda. Ular jahon chempioni, eng boy klub, eng yaxshi jamoa. Shuning uchun ham ular keyingi bosqichga o‘tishlari kerak. Lekin bizning muxlislar ham jahon chempioni. Ertaga biz buni ko‘ramiz. Balki, raqibimiz keyingi bosqichga yo‘l olar. Ular 46ta o‘yindan beri gol urishmoqda, lekin ularning vazifasini murakkablashtirishga harakat qilamiz.

Ishonchim komil, bizda gol urish uchun imkoniyatlar bo‘ladi. Bunday o‘yinlarda nechta vaziyatga ega bo‘lishimiz mumkinligi haqida o‘ylashimiz kerak emas. Shunchaki, ulardan foydalanish kerak. Balki, raqib himoyasini yorib o‘tish uchun imkoniyatimiz yuqori emasdir, ammo biz qo‘ldan kelgan barcha ishni qilamiz.

Ertangi natijadan qat’i nazar biz xursand bo‘lishimiz kerak. Asosiy umidimiz shundan iboratki, bunday o‘yinlar biz uchun oddiy bahs bo‘ladi.

"Madrid" bunday uchrashuvlarda o‘ynashga o‘rgangan. Bu esa ularga ta’sir qiladi, deb o‘ylamayman. Lekin bu bizga ta’sir ko‘rsatishi kerak. Muxlislarning hayqirig‘i "Real"ga ta’sir ko‘rsatmaydi. Ular qo‘rqishi mumkin bo‘lgan yagona narsa — raqib ko‘zining porlab turishi. Umid qilaman, muxlislarimizning energiyasi futbolchilarga o‘tadi», – dedi Sarri.