«Наполи» бош мураббийи Маурицио Сарри Европа чемпионлар лигаси доирасида «Реал»га қарши ўйин арафасида ўз фикрлари билан ўртоқлашди.

«Барча босим «Реал»га тушмоқда. Улар жаҳон чемпиони, энг бой клуб, энг яхши жамоа. Шунинг учун ҳам улар кейинги босқичга ўтишлари керак. Лекин бизнинг мухлислар ҳам жаҳон чемпиони. Эртага биз буни кўрамиз. Балки, рақибимиз кейинги босқичга йўл олар. Улар 46та ўйиндан бери гол уришмоқда, лекин уларнинг вазифасини мураккаблаштиришга ҳаракат қиламиз.

Ишончим комил, бизда гол уриш учун имкониятлар бўлади. Бундай ўйинларда нечта вазиятга эга бўлишимиз мумкинлиги ҳақида ўйлашимиз керак эмас. Шунчаки, улардан фойдаланиш керак. Балки, рақиб ҳимоясини ёриб ўтиш учун имкониятимиз юқори эмасдир, аммо биз қўлдан келган барча ишни қиламиз.

Эртанги натижадан қатъи назар биз хурсанд бўлишимиз керак. Асосий умидимиз шундан иборатки, бундай ўйинлар биз учун оддий баҳс бўлади.

"Мадрид" бундай учрашувларда ўйнашга ўрганган. Бу эса уларга таъсир қилади, деб ўйламайман. Лекин бу бизга таъсир кўрсатиши керак. Мухлисларнинг ҳайқириғи "Реал"га таъсир кўрсатмайди. Улар қўрқиши мумкин бўлган ягона нарса — рақиб кўзининг порлаб туриши. Умид қиламан, мухлисларимизнинг энергияси футболчиларга ўтади», – деди Сарри.