O‘zbekiston U-20 terma jamoasi 12-13 mart kunlari Toshkentda Qirg‘iziston U-20 termasi bilan ikkita o‘rtoqlik uchrashuvi o‘tkazadi.

Mazkur bellashuvlar 2017 yilning 16–26 may kunlari Tailandda, tarixda ilk marotaba bo‘lib o‘tadigan U-20 Osiyo chempionatiga tayyorgarlik ko‘rish maqsadida o‘tkaziladi.

Qo‘shnilarimizga qarshi o‘yinlarga tayyorlanish uchun O‘zbekiston U-20 terma jamoasi bugundan yig‘inga kirishdi. Bosh murabbiy Xose Mariya Mendez ushbu yig‘inga 16 nafar futzalchini chaqirdi. Mashg‘ulotlar kuniga ikki mahaldan "O‘zbekiston" sport majmuasida o‘tkazilmoqda. Yig‘in 15 martga qadar davom etadi.

O‘zbekiston U-20 terma jamoasi yig‘iniga chaqirilganlar:

Darvozabonlar:
Ramil Almamedov, "Nafis"
Doniyor Mahmudov, "Nafis"
Mirislom Miraliyev, "Paxtakor"

O‘yinchilar:
Xushnur Erkinov, "Ardus"
Ilhom Hamroyev, "Ardus"
Iliakbar Bayburin, "Ardus"
Shohjahon Shonazarov, "Ardus"
Asli Muhammadiyev, "Ardus"
Akbar Usmonov, "Ardus"
Doniyor Tohirov, "Nafis"
Xusniddin Nishonov, "Nafis"
Mehroj Xudoyberdiyev, "Nafis"
Ravshan Ismatullayev, "Nafis"
Artur Aminov, "Paxtakor"
Timur Saydullayev, "Metallurg"
Olim Voxidov, "Bunyodkor"