Yoshlar birinchiligining 2-turida, Navoiyda “Qizilqum” mehmoni bo‘lgan «Navbahor» 0:2 hisobida imkoniyatni boy berdi.
Mezbonlar har ikki bo‘limda bittadan gol urib, g‘alabani o‘z tomonlariga og‘dirishdi. Aslini olganda namanganliklar bahsni yomon boshlamagandi. Ularda gol urish uchun ham imkoniyatlar ham yuzaga keldi. Uchrashuv boshida G‘olibbek Karimov raqib posboni bilan yakkama-yakka vaziyatga chiqib, bundan samarali tarzda foydalana olmadi. Azizbek Turg‘unboyev ham chamasi 15 metrlardan gol urishga urinib ko‘rgandi. Ammo, bu safar darvozabon Makosin mahoratini namoyish etdi. 30-daqiqada “Qizilqum” yoshlari hisobni ochdi. O‘ng qanotdan boshlangan hujumni Samandar Shodmonov gol bilan yakunladi. 85-daqiqada esa navoiyliklar ikkinchi golni urdi. Bu safar ham o‘ng qanotdan uzatilgan to‘pni zaxiradan maydonga tushgan Bobir Mamirov darvozaga yo‘llab, g‘alabani mustahkamladi. Joriy yilgi mavsumda yoshlar birinchiligida ikki o‘yin o‘tkazgan namanganliklar hozircha ochko jamg‘arishni uddasidan chiqa olishmadi.
“Qizilqum” – “Navbahor” – 2:0 (1:0). 9 mart. Navoiy.
Hakamlar: A.Risqullayev, A.Davronov, J.Rustamov, A.Sultanov.
Nazoratchi – G‘.Karimov.
“Qizilqum”: 22. Artyom Makosin, 8. Sardor Jahonov, 17. Mustafo Rahmatullayev, 18. Samandar Shodmonov, 25. Axliddin Fayziyev, 44. Saidjon Hayitov, 47. Orzu Razzaqov, 55. Mirjamol Qosimov, 75. Dilshod Xojiyev, 84. Viktor Grigoryev, 99 Bobirjon Iskandarov.
Zaxira: 12. Valijon Rahimov, 2. Feruz Norov, 9. Abbos Rustamov, 11. Bobur Mamirov, 14. Bobur Jo‘raqulov,
“Navbahor”: 12. Nodirjon Ashurmatov, 9. Islom Abduqodirov, 10. Ravshanbek Xursanov, 14. G‘olibbek Karimov, 16. Bilolxon Toshmirzayev, 21. Abduvohid Sharipov, 26. Javohir Olimjonov, 27. Davron Mahmudov (44. Abdulaziz Jalilov, 66), 48. Azizbek Turg‘unboyev (23. Muzaffar Abdullayev, 46), 63. Iskandar Siddiqjanov, 99. Omonulloxon Mirzayev (51. Abdulqodir Sobirov, 87).
Gollar: S.SHodmonov (30), B.Mamirov (85).
