Ёшлар биринчилигининг 2-турида, Навоийда “Қизилқум” меҳмони бўлган «Навбаҳор» 0:2 ҳисобида имкониятни бой берди.

Мезбонлар ҳар икки бўлимда биттадан гол уриб, ғалабани ўз томонларига оғдиришди. Аслини олганда наманганликлар баҳсни ёмон бошламаганди. Уларда гол уриш учун ҳам имкониятлар ҳам юзага келди. Учрашув бошида Ғолиббек Каримов рақиб посбони билан яккама-якка вазиятга чиқиб, бундан самарали тарзда фойдалана олмади. Азизбек Турғунбоев ҳам чамаси 15 метрлардан гол уришга уриниб кўрганди. Аммо, бу сафар дарвозабон Макосин маҳоратини намойиш этди. 30-дақиқада “Қизилқум” ёшлари ҳисобни очди. Ўнг қанотдан бошланган ҳужумни Самандар Шодмонов гол билан якунлади. 85-дақиқада эса навоийликлар иккинчи голни урди. Бу сафар ҳам ўнг қанотдан узатилган тўпни захирадан майдонга тушган Бобир Мамиров дарвозага йўллаб, ғалабани мустаҳкамлади. Жорий йилги мавсумда ёшлар биринчилигида икки ўйин ўтказган наманганликлар ҳозирча очко жамғаришни уддасидан чиқа олишмади.

“Қизилқум” – “Навбаҳор” – 2:0 (1:0). 9 март. Навоий.

Ҳакамлар: А.Рисқуллаев, А.Давронов, Ж.Рустамов, А.Султанов.

Назоратчи – Ғ.Каримов.

“Қизилқум”: 22. Артём Макосин, 8. Сардор Жаҳонов, 17. Мустафо Раҳматуллаев, 18. Самандар Шодмонов, 25. Ахлиддин Файзиев, 44. Саиджон Ҳайитов, 47. Орзу Раззақов, 55. Миржамол Қосимов, 75. Дилшод Хожиев, 84. Виктор Григорьев, 99 Бобиржон Искандаров.

Захира: 12. Валижон Раҳимов, 2. Феруз Норов, 9. Аббос Рустамов, 11. Бобур Мамиров, 14. Бобур Жўрақулов,

“Навбаҳор”: 12. Нодиржон Ашурматов, 9. Ислом Абдуқодиров, 10. Равшанбек Хурсанов, 14. Ғолиббек Каримов, 16. Билолхон Тошмирзаев, 21. Абдувоҳид Шарипов, 26. Жавоҳир Олимжонов, 27. Даврон Маҳмудов (44. Абдулазиз Жалилов, 66), 48. Азизбек Турғунбоев (23. Музаффар Абдуллаев, 46), 63. Искандар Сиддиқжанов, 99. Омонуллохон Мирзаев (51. Абдулқодир Собиров, 87).

Голлар: С.Шодмонов (30), Б.Мамиров (85).