FIFA AQSH prezidenti Donald Trampning migrasiya farmoni sababli AQSHni futbol bo‘yicha 2026 yilgi jahon chempionatini o‘tkazishga da’vogarlik qilish huquqidan mahrum qilish bilan tahdid qilmoqda. Bu haqda xalqaro tashkilot prezidenti Janni Infantino ma’lum qildi.
Bloomberg axborot agentligining ma’lum qilishicha, AQSH 2026 yilgi jahon chempionatini o‘tkazishga asosiy da’vogar hisoblanadi. Shu bilan birga, AQSH bu chempionatni Kanada va Meksika bilan birga o‘tkazishi mumkinligi aytilmoqda.
"Muxlislar va jahon chempionati saralash bosqichini o‘tgan terma jamoalar rasmiy shaxslari musobaqa o‘tkazilayotgan davlatga kirish imkoniyatiga ega bo‘lishlari kerak. Bu FIFA shiori ostida o‘tkaziladigan barcha musobaqalarga taalluqlidir. Aks holda, jahon chempionati u yerda o‘tkazilmaydi", deb aytgan Infantino.FIFA prezidenti Donald Trampning ishini hurmat qilishini, biroq shu bilan birga mamlakat rahbari "mamlakat uchun eng yaxshi qaror" uchun javobgar ekanligini ta’kidlab o‘tdi.
