Fransiya terma jamoasining sobiq bosh murabbiyi Raymon Domenek Chempionlar ligasi 1/8 finali doirasidagi «Barselona» — «PSJ» (6:1) uchrashuvi haqida o‘z fikrlarini bildirib o‘tdi. U ko‘k-anorranglilar hujumchisi Lionel Messini tanqid qilishda davom etgan.

Eslatib o‘tamiz, kataloniyaliklar bellashuv yakunida uchta to‘p kiritdi va musoqabaning keyingi bosqichiga yo‘llanmani ilib ketdi, argentinalik forvard esa birinchi bo‘limda penaltini aniq amalga oshirdi.

«Ha, men Messi ba’zida o‘yindan tushib qolganini gapirganimda xato qilgandim. Endilikda u umuman o‘ynamayapti. Lionel «Barselona»ning «PSJ» bilan o‘yindagi eng yomon o‘yinchisi bo‘ldi. O‘sha bellashuvda u umuman orqaga qaytmadi.

Mo‘’jiza haqida... Odatda Messi jarima zarbalarida hech kimni to‘pga yaqinlashtirmaydi, biroq Neymarga oxir-oqibat uni tepish imkonini berishdi – u to‘p kiritdi. Braziliyalik juda ajoyib edi! Suares zo‘r o‘ynadi. Busketsni ham alohida ta’kidlab o‘tish lozim. «Barselona» tarkibida ajoyib o‘yin ko‘rsatgan futbolchilar bor edi. Yumtiti hayratga soldi – u shunday o‘yinni kamdashuviam ko‘rsatadi.

O‘yinning 87-daqiqasida «Borussiya» va «Benfika» bahsi oxirini ko‘rish uchun kanalni o‘zgartirishimga bir baxya qoldi. Oxirida kataloniyaliklar men va boshqalar uchun ajoyib o‘yin ko‘rsatib berishdi. Barselonadagi bahsni ko‘rishni nimaga davom ettirganimni bilmayman. Shunchalik so‘zlar kamlik qiladi. Bunday holatni tushuntirib berish mushkul. Ro‘y bergan hodisaga qandaydir izoh berish ilojsiz. Bu sharmandalikni yuvib, ketkazish mumkin emas», - deya Domenekning so‘zlarini keltiradi Football365 nashri.