Франция терма жамоасининг собиқ бош мураббийи Раймон Доменек Чемпионлар лигаси 1/8 финали доирасидаги «Барселона» — «ПСЖ» (6:1) учрашуви ҳақида ўз фикрларини билдириб ўтди. У кўк-анорранглилар ҳужумчиси Лионель Мессини танқид қилишда давом этган.

Эслатиб ўтамиз, каталонияликлар беллашув якунида учта тўп киритди ва мусоқабанинг кейинги босқичига йўлланмани илиб кетди, аргентиналик форвард эса биринчи бўлимда пенальтини аниқ амалга оширди.

«Ҳа, мен Месси баъзида ўйиндан тушиб қолганини гапирганимда хато қилгандим. Эндиликда у умуман ўйнамаяпти. Лионель «Барселона»нинг «ПСЖ» билан ўйиндаги энг ёмон ўйинчиси бўлди. Ўша беллашувда у умуман орқага қайтмади.

Мўъжиза ҳақида... Одатда Месси жарима зарбаларида ҳеч кимни тўпга яқинлаштирмайди, бироқ Неймарга охир-оқибат уни тепиш имконини беришди – у тўп киритди. Бразилиялик жуда ажойиб эди! Суарес зўр ўйнади. Бускетсни ҳам алоҳида таъкидлаб ўтиш лозим. «Барселона» таркибида ажойиб ўйин кўрсатган футболчилар бор эди. Юмтити ҳайратга солди – у шундай ўйинни камдашувиам кўрсатади.

Ўйиннинг 87-дақиқасида «Боруссия» ва «Бенфика» баҳси охирини кўриш учун канални ўзгартиришимга бир бахя қолди. Охирида каталонияликлар мен ва бошқалар учун ажойиб ўйин кўрсатиб беришди. Барселонадаги баҳсни кўришни нимага давом эттирганимни билмайман. Шунчалик сўзлар камлик қилади. Бундай ҳолатни тушунтириб бериш мушкул. Рўй берган ҳодисага қандайдир изоҳ бериш иложсиз. Бу шармандаликни ювиб, кетказиш мумкин эмас», - дея Доменекнинг сўзларини келтиради Football365 нашри.