Yevropa chempionlar ligasining nimchorak final bosqichi doirasida bo‘lib o‘tgan "Barselona" – PSJ o‘rtasidagi o‘yinda Deniz Aytekin belgilagan ikkinchi penalti ko‘plab bahs munozaralarga sabab bo‘lmoqda.
Italiya televideniyesida eskpert sifatida ishlayotgan, sobiq FIFA referisi Grasiano Sesarining xulosasiga ko‘ra, o‘sha penalti to‘g‘ri belgilangan. Penaltiga sabab bo‘lgan vaziyatning boshqa rakursdan videosi paydo bo‘ldi.
Videoda Markinyos Suaresning ortidan yugurayotib, urugvaylik hujumchining oyog‘iga urilgani ko‘zga tashlangan.
"Ushbu rakursni ko‘rganimdan keyin bu penalti ekaniga hech qanday shubham qolmadi. Bunday tezlikdan kichik to‘qnashuv ham ahamiyatga ega", – dedi Grasiano Sesari.
