Европа чемпионлар лигасининг нимчорак финал босқичи доирасида бўлиб ўтган "Барселона" – ПСЖ ўртасидаги ўйинда Дениз Айтекин белгилаган иккинчи пенальти кўплаб баҳс мунозараларга сабаб бўлмоқда.
Италия телевидениесида эскперт сифатида ишлаётган, собиқ ФИФА рефериси Грациано Цесарининг хулосасига кўра, ўша пенальти тўғри белгиланган. Пенальтига сабаб бўлган вазиятнинг бошқа ракурсдан видеоси пайдо бўлди.
Видеода Маркиньос Суареснинг ортидан югураётиб, уругвайлик ҳужумчининг оёғига урилгани кўзга ташланган.
"Ушбу ракурсни кўрганимдан кейин бу пенальти эканига ҳеч қандай шубҳам қолмади. Бундай тезликдан кичик тўқнашув ҳам аҳамиятга эга", – деди Грациано Цесари.
