«Barselona» bosh murabbiyi Luis Enrike «Deportivo»ga qarshi bo‘lib o‘tgan o‘yin (1:2) borasida o‘z fikrlarini bildirib o‘tdi.
«Ushbu haftada biz boshimizdan o‘tkazgan holatga tushgan odamgina nimalar bo‘lganini his qila olishi mumkin. Professionallar bunday paytda o‘zini qanday tutishni bilishi kerak. Oldimizda hali ko‘p qiyin o‘yinlar kutib turibdi.
O‘yin qiyin bo‘lishini tushunardik. Boisi, ushbu haftada ro‘y bergan voqealar o‘yinga o‘z ta’sirini o‘tkazmasdan qolmasdi. «PSJ»ga qarshi o‘yinda qozonilgan g‘alaba bizga ta’sir qilishi aniq edi.
«Deportivo»ga qarshi o‘yinni yomon boshlamadik, ularning o‘yin uslubidan foydalanishga harakat qildik. Bizda yaxshi imkoniyatlar yuzaga keldi, ammo ulardan foydalana olmadik. Xatolarga yo‘l qo‘ydik va o‘z darvozamizdan gollar o‘tkazib yubordik.
Ushbu g‘alabani qabul qilib, keyingi o‘yinlarga tayyorgarlik ko‘rishimiz kerak. So‘nggi turlar juda qiyin bo‘ladi.
«Deportivo»ga qarshi o‘yinni formani saqlab turish uchun muhim ahamiyatga ega edi, yutqazganimiz alamli bo‘ldi. Ammo yakunda yomon o‘ynadik», – dedi Enrike.