Bugun Chempionlar ligasining nimchorakfinalidan o‘rin olgan «Lester» - «Sevilya» o‘yini o‘tkaziladi.
Mazkur qarama qarshilikning birinchi o‘yinida "Sevilya" 2:1 hisobida zafar quchdi. Jeymi Vardining "Ramon Sanches Pisxuan"da 73-daqiqada kiritgan goli "Lester"da umid uchqunlarini saqlab qoldi. Vaholanki "tulkilar"ning sobiq bosh murabbiyi Klaudio Raneri shogirdlari, o‘sha uchrashuvda yirik hisobda mag‘lub bo‘lishlari ham hech gap emasdi. Shmeyxelning jonbozligi sabab "Lester" safarda o‘z darvozasidan faqat ikkita to‘p o‘tkazib ortga qaytdi. Vardining goli esa "Lester"ni Angliya Chempioni maqomiga mos ravishda Ispaniyani tark etishiga ko‘mak berdi.
Bir kundan so‘ng esa "Lester" ertakchisi, Klaudio Raneri o‘z vazifasidan ozod etilgani haqida xabar paydo bo‘ldi. Ha o‘sha autsayder "Lester"ni Angliya Premer-ligasida chempion qilgan va ko‘plab muxlislarning mexriga sazovor bo‘lgan inson o‘z ishidan olib tashlandi. Endi bu shunchaki tarixning shirin bir bo‘lagi bo‘lib qoldi xolos. Endi "tulkilar" ertagini Shekspir ismli inson yozishi kerak. Ancha yillardan buyon klubda faoliyat yuritib kelayotgan murabbiy "Lester"ning ko‘plab murabbiylari bilan birgalikda faoliyat yuritgan va futbolchilar bilan chiqishib ketishda hech qanday qiyinchilikka uchramadi. APLdagi so‘nggi ikkita uchrashuvda "Lester" ketma-ket (Lester - Liverpul 3:1), (Lester -Xall Siti 3:1) g‘alaba qozondi va "Sevilya"ga qarshi bahsga yaxshi kayfiyatda tashrif buyurmoqda.
"Sevilya" esa "Lester"ga qarshi bahsdan so‘ng Ispaniyada 4ta uchrashuv o‘tkazdi. Xorxe Sampaoli shogirdlari dastlab, safarda "Betis"ni (2:1) irodali o‘yin evaziga mag‘lub etishdi. Keyin esa "Atletik" katta qiyinchilik bilan kichik 1:0 hisobida taslim etildi. Iborraning gollari esa "Sevilya"ga muhim g‘alabalarni taqdim. Lekin keyingi uchrashuvlarda Iborra gol urolmadi va "Sevilya" ham ochko yo‘qotdi (Alaves-Sevilya 1:1), (Sevilya-Leganes 1:1). Sampaoli so‘nggi uchrashuvda zaxira futbolchilariga ko‘proq imkon berdi va asosiy tarkibga bo‘lajak o‘yin oldidan hordiq olish imkonini yaratdi. Bu esa jamoani La Ligada chempionlik kurashida muhim ochkolarni yo‘qotishiga sabab bo‘lganini ham unitmaslik lozim. Bu qurbonliklar "Lester"ga qarshi bahsda zoye ketmasa bo‘lgani.
"Lester" (Angliya) - "Sevilya" (Ispaniya)
14-mart 2017 yil. Lester. "King Pauer" stadioni
Diskvalifikasiyalar: yo‘q
Jarohatlar: Molla Vag, Nampalis Mendi - Venua Tremulinas, Mikael Kron-Deli.
Birinchi uchrashuv: "Sevilya" - "Lester" 2:1
