Bugun Chempionlar ligasining nimchorakfinalidan o‘rin olgan “Monako”-“Manchester Siti” uchrashuvi bo‘lib o‘tadi.

Chempionlar ligasi. 1/8 final, javob o‘yini
15-mart 2017 yil. Monako. “Lui II” stadioni

“Monako”-“Manchester Siti”

Hakam: Janluka Rokki (Italiya)
Birinchi o‘yin: 3-5

Taxminiy tarkiblar:
“Monako”: Subashich, Sidibe, Radji, Jemerson, Mendi, Silva, Bakayoko, Fabino, Lemar, Mbappe, Falkao.
“Manchester Siti”: Kabalero, Sanya, Stounz, Otamendi, Klishi, Fernandino, Sterling, de Bruyne, Silva, Sane, Aguero.

Maydonga tushmaydi: Glik, Boskilya, Karillo, – Gabriel Jezus

O‘yin prevyusi:
Birinchi uchrashuvdagi gollar shousidan so‘ng, muxlislar Monakoda ham uning ikkinchi qismini tomosha qilishga ishonishmoqda. Leonardu Jardim shogirdlari keyingi bosqichga o‘tishlari uchun ikkita gol ursa bo‘lgani. Demak, “Monako” dastlabki daqiqalardan hujumga intiladi. Xosep Gvardiola shogirdlari esa himoyadan hujumga o‘tadigan jamoa sirasiga kirmaydi va ular ham hujumkor o‘yinga hujumkorlik bilan javob qaytarishga intilishsa ajab emas.
Birinchi o‘yinda fransiyaliklar garchand yirik hisobda mag‘lubiyatga uchrashgan bo‘lishsada, biroq ular hujumkor o‘yinlari evaziga Angliyada o‘z hurmatlarini saqlab qolgan holda uyga qaytishdi. To‘g‘ri Falkaoning zarbasi agarda gol bilan yakunlanganda va hisob “Monako” foydasiga 3:1 ko‘rinishiga kelganda birinchi bahs yakuni ham umuman boshqacha bo‘lishi mumkin edi. Lekin Jardim shogirdlari hujumda qanday faol bo‘lgan bo‘lishgan bo‘lishsa himoyada shuncha ko‘p xatolarga yo‘l qo‘yishdi.
“Monako” “Etixad” stadionidagi magl’ubiyatdan so‘ng ichki chempionatda 4ta o‘yin o‘tkazib (2:1 – Gengam, 4:3 – Marsel, 4:0 – Nant, 2:1 – Bordo) barchasida g‘alaba qozona oldi va mazkur bahsga yaxshi kayfiyatda tashrif buyurmoqda.
“Manchester Siti” esa APLda ikkita va Angliya Kubogida ham ikkita o‘yin o‘tkazib 3 g‘alaba va 1 durrang qayd etdi. “Manchester Yunyated”ga qarshi uchrashuv esa qoldirilgan. Shaharliklarni YECHLda “Monako”ga qarshi bahsdan so‘ng APLda ketma ket 3ta qiyin (Liverpul, Arsenal, Chelsi) o‘yin kutayotganini ham unutmasligimiz lozim.
“Monako” (Fransiya) – “Manchester Siti” (Angliya) uchrashuvi bugun Toshkent vaqti bilan soat 00:45da boshlanadi. Bahsni Uzreport Tv orqali kuzatib borishingiz mumkin.