Kataloniyaning Sport nashri «Barselona» klubini boshqarish uchun asosiy nomzod bo‘lib turgan murabbiyni aytdi.

Nashrning xabariga ko‘ra, Luis Enrike jamoani tark etgach, uning yordamchisi Xuan Karlos Unsue bosh murabbiy qilib tayinlanadi.

«Barselona» avvalroq ham shu ishni qilgan va Pep Gvardiola jamoani tark etganida, uning yordamchisi Tito Vilanovani bosh murabbiy qilib tayinlagandi.

49 yoshli Unsue anchadan buyon Kataloniya klubi murabbiylari shtabida ishlamoqda va klubdagi vaziyatni juda yaxshi biladi. Bu esa uning nomzodini ma’qullanishiga asosiy sabab bo‘lishi mumkin.